2026·06·25
Urtero bezala, Idiazabalgo Udalak garapenaren aldeko nazioarteko lankidetzarako eta garapenerako sentsibilizazioa edota hezkuntzako jarduerak burutzeko diru-laguntzaren deialdia zabaldu du. Garapen bidean dauden herrialdeekiko lankidetza sustatzen lagundu nahi du Udalak, ipar globalaren eta hego globalaren harremanak eraldatzeko asmotan.
Aurreikusitako dirulaguntzaren zenbatekoa 25.000 eurokoa da:
Lerroa. Herrialde txirotuetan garapenerako lankidetza proiektuak burutzeko: 20.000 euro.
Lerroa. Idiazabalen garapenerako sentsibilizazioa edota hezkuntzako jarduerak garatzeko: 5.000 euro.
Deialdia gaur, ekainak 25, argitaratu da Gipuzkoako Aldizkari Ofizialean, eta bihartik hasita hogei egun balioduneko epea izango da eskaerak egiteko (uztailak 23 arte, egun hori barne).